Баннер

главная новости в Беларуси Выстава работ пераможцаў конкурсу «Прэс-фота Беларусi 2015» у Гродна

Выстава работ пераможцаў конкурсу «Прэс-фота Беларусi 2015» у Гродна

З 4 па 9 траўня ў галерэі «Крыга» (Гродна) праходзiць выстава па вынiках VI конкурсу сярод фатографаў і фотажурналістаў «Прэс-фота Беларусі».

Пераможцаў у 8 намінацыях і ўладальніка гран-пры міжнароднае журы выбрала з 137 аўтараў, чые заяўкі былі дапушчаныя да ўдзелу ў конкурсе. Больш за 2000 прац прэтэндавалі на перамогу ў серыях і адзіночных здымках.

Выстава работ пераможцаў конкурсу «Прэс-фота Беларусi 2015» у Гродна
Фота на афiшы: Дзянiс Дзюба

На выставе прадстаўлены фатаграфіі уладальнікаў гран-пры, I, II і III месцаў у намінацыях, а таксама здымкi, удастоеныя спецыяльнай адзнакi журы.

Традыцыйныя беларускія абрадавыя святкавання, спартыўныя спаборніцтвы, сацыяльныя назіранні, палітычнае і эканамічнае жыццё, штодзённасць сталіцы і рэгіёнаў Беларусі, аўтарскія дакументальныя праекты - такім ўбачылі жыццё краіны беларускія фотажурналісты. Яркім звяном конкурсу ў гэтым годзе стала адкрытая намінацыя, адзіная, даступная для ўдзелу фатографаў з усіх краін свету. Тэмай года ў рамках намінацыі сталі падзеі ва Ўкраіне. У ліку ўдзельнікаў і пераможцаў - фатографы з чатырох краін (Літва, Расія, Украіна і Беларусь).

Выстава работ пераможцаў конкурсу «Прэс-фота Беларусi 2015» у Гродна
З экспазiыi выставы «Прэс-фота Беларусi 2015». Фота: Сяргей Мiхаленка

Нагадаем, што ў склад міжнароднага журы конкурсу ў гэтым годзе ўвайшлі медыя-спецыялісты і фотарэпарцёры з дзевяці краін: Daphne Angles (фотарэдактар The New York Times in Paris, Францыя-ЗША), Арцём Чарноў (фатограф, фотарэдактар, праект Photopolygon.com, Расія ), Ramunas Danisevicius (фатограф, газета «Lietuvos rytas», Літва), Jillian Edelstein (фатограф, Вялікабрытанія-ПАР), Petr Josek (фатограф, выкладчык, Reuters, Чэхія), Вадзім Качан (фатограф, выкладчык, Беларусь), Аляксандр Ляпін (фатограф, журналіст, выкладчык, куратар, галоўны рэдактар парталу foto.ua, Украіна), Jonas Staselis (прэзідэнт Клуба прэс-фатографаў Літвы, старшыня Саюза фотамастакоў Літвы, Літва), Stephan Vanfleteren ( фатограф, са-заснавальнік і арт-дырэктар выдавецтва Kannibaal / Hannibal Publishing, Бельгія).

Выстава работ пераможцаў конкурсу «Прэс-фота Беларусi 2015» у Гродна
Фота: Сяргей Барушка. Слева направа пераможцы конкурсу з Гродна: Сяргей Морозаў, Еўгени Новак, Наталiя Дораш и Аляксандр Саенка

Аб конкурсе «Прэс-фота Беларусі»

Адкрыты незалежны конкурс прэс-фатаграфіі ў Беларусі быў арганізаваны ў 2009 годзе беларускімі фотарэпарцёрамі пры падтрымцы фотопортала ZНЯТА.

Конкурс аказвае падтрымку прафесійнай прэс-фатаграфіі, а таксама стымулюе развіццё фотажурналістыкі і дакументальнай фатаграфіі. У рамках праекта штогод праводзіцца шэраг мерапрыемстваў, якія дазваляюць падтрымліваць абмен вопытам і ведамі паміж пакаленнямі беларускіх фатографаў, а таксама з фотарэпарцёрамі з іншых краін. Усё гэта павінна падтрымліваць высокі ўзровень прафесійных стандартаў у фотажурналістыцы, садзейнічаць
свабоднаму і неабмежаванаму абмену прафесійнай інфармацыяй.

Афiцыйны сайт «Прэс-фота Беларусі»

аберкаваць на форуме zнята


Выстава работ пераможцаў конкурсу «Прэс-фота Беларусi 2015» у Гродна
 


поиск по сайту


Баннер

In Photo

Мэри Эллен Марк (Mary Ellen Mark)

Мэри Эллен Марк
Начала снимать в девять лет,
а профессионально погрузилась в фотографию в 1960-х. Однажды
и навсегда выбрала одну тему - люди... На ее фотографиях - посетители барделей, знаменитые актеры, спортсмены, циркачи, наркоманы, демонстранты...

Эрик Ким (Eric Kim)

Эрик Ким
Он называет себя международным стрит-фотографом. Он живет
в Лос-Анжелесе, снимает незнакомцев на улицах
с очень близкого расстояния.



главная новости в Беларуси Выстава работ пераможцаў конкурсу «Прэс-фота Беларусi 2015» у Гродна